Тукайны юксыну

Онытмабыз сине Тукаебыз! Гомер буе мәдхия җырларбыз!

Гади генә татар малае мин.

Тукай ягы минем Ватаным!

“Пар ат”ларда килеп

Тукай күзен ачкан “Нурлы”шәһәр –

Ул бит минем туган Казаным!

“Туган тел”не көйләп үстем:

Татарның гимнына тиңләдем!

“Су анасы” белән “Шүрәле”не

Укый-укый әле бит мин

Һич тә туймадым!

Олылар сокланып иҗатыңа,

Шигыреңне кат-кат укыйлар.

Ә сабыйлар “Бала белән күбәләк”не

Көн дә җырлап-биеп уйныйлар.

Ел да апрель җиткәч, кабереңә

Барып чәчәкләрне куярбыз!

Онытмабыз сине Тукаебыз!

Гомер буе мәдхия җырларбыз!

Габдрахманов Адель

Казан,Яңа Савин районы,

“Татар телендә белем бирүче

13 нче гимназия”нең

5 нче сыйныф укучысы.

Фото: Айгөл Шәрәфиева

Иң мөһим һәм кызыклы язмаларны Татмедиа Telegram-каналындаукыгыз

Комментарии