Фәлсәфи аң
Күпме генә фәлсәфәнең
Таганында атынма син,
Кем ул Гегель –
сабыйларын
Кочып сыкрар хатынга соң?
Газиз балаң гареп җилгә
Мәҗбүриләп бирсә антын –
Очты китте фәлсәфи аң,
Нигә аңа синең Кантың?
Күбрәк уйла ындыр артын,
Ешрак тыңла авыл картын,
Һәм болай да төшенерсең
Конфуцийча яшәү шартын.
"КУ" 10, 2020
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84