Логотип Казан Утлары
Шигърият

Гади уйлар

Эчкерсезлек – яуган карда һәм аккан болытларда.

Төкерәм төче сүзләргә,

тантаналы антларга.

Эчкерсезлек – яуган карда

һәм аккан болытларда.

 

Чәнечке-чытырман-кыя –

юлым булды узылган.

Хак олуг дәресләр алдым

тынлыктан һәм йолдыздан.

 

Сихерләнәм, әсирләнәм

ерактан килгән җырдан.

Тыныч төндә эреп китәм

Җир-Анам куенында:

 

«Минлек»кә ирек куймыйча,

агарга да агарга,

соң мизгелдә бу турыда

матур бер җыр язарга...

 

"КУ" 02, 2017

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев