Күзләреңне кара димәдем...

Күзләреңне кара димәдем,

Битләреңне алма димәдем,

Иреннәрең чия димәдем –

Мин, ахрысы, бер дә кешегә

Охшаш итеп сөя белмәдем.

Мин башкача сөйдем, ахрысы,

Үзем генә сөя белгәнчә.

Җирдә әле башка беркем дә
Сөя белмәгәнчә – бүтәнчә.

Мин үкенмим ләкин хәзер дә,

Сөю кануннарын эзләмим.

Мин сөям ич сине үземчә –

Күзләреңне кара димичә,

Битләреңне алма димичә,

Иреннәрең чия димичә

Сөям сине нәкъ син көенчә.

«Казан утлары». 1970 ел, 1нче сан.
 

"КУ" 05, 2022

Фото: pixabay