Таң ярала... Авыл әтәчләре ...
Таң ярала... Авыл әтәчләре
Йолдыз чүпли күк йөзеннән,
Җир ял итә, болыннарга
Томан төшә ат тезеннән.
Ишетелми урман шавы,
Җил йоклаган җиргә ятып;
Ай да, арып, күк йөзеннән
Киткән, ахры, өйгә кайтып.
Шундый матур, тын иртәдә
Томан төшә күңелемә.
Ышанасы килә җәйнең
Ахыргысы түгеленә.
"КУ" 07, 2022
Фото: unsplash
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84