Логотип Казан Утлары
Шигърият

Татар мин!

Татар углы горур татар мин!

Мишәр диләр, башкорт, типтәр, кырым...
Кем дип кенә җирдә аталмыйм.
Бөтен дөнья халкын баш идергән,
Мең ел буе горур татар мин!
Болгары да, себер, нугае да,
Кыпчак та мин, диеп вакланмыйм.
Йөрәгендә Алтын Урда йөрткән
Татар атлы горур татар мин!
Киң далалар, урман, таулар, сулар –
Түрк җирендә булыр – Ватаным!
Әнкәм салган газиз туган телем,
Идел-йортын саклыйм атамның.
Хөсетлеләр, әйдә, кара көйсен,
Мин аларга ачу сакламыйм.
Таркатырга теләүчеләр белсен:
Мең ел буе инде татар мин!
Аллаһ безне шулай халикъ кылган,
Кимсенмим дә, ләкин мактанмыйм.
Мин Аллаһның язмышыннан риза,
Татар углы горур татар мин!

"КУ" 5, 2020

Фото: vk.com

Теги: шигърият

Иң мөһим һәм кызыклы язмаларны Татмедиа Telegram-каналындаукыгыз

Нет комментариев