Үзем белән сөйләшәмен әле...

«Күңелем Ленин белән сөйләшә...»

С.Хәким

Үзем белән сөйләшәмен әле,

Шыпырт кына, тып-тын, килешеп.

Кайвакытта нидер пышылдый күк

Талгын гына җылы җил исеп.

Үзем белән сөйләшәмен әле,

Ярсып-ярсып, тетеп, орышып.

Тирә-якта давыл, әйтерсең лә,

Күңелемнең hава торышы.

Үзем белән сөйләшәмен әле

Шатлыгымда, кыен чагымда.

Бергә күтәрәбез бу тормышның

Карасын да hәм дә агын да.

Үзем белән сөйләшәмен әле.

Ул тикмәгә мине мактамас,

Гаепләрем булса – акламас та,

hәм шулай ук салып таптамас!

"КУ" 10, 2016

Фото: pixabay