Самара татарлары пирогы

"Ноябрь башларында Яловада яшәүче татар апабыз Самара татарлары пирогын әзерләп күрсәтте. Бу пирог гөбәдиягә охшаган, бик яратылып ашалды, һәм бик күп кеше әле дә рецептын сорый" - Зара Кәбирова.

Рецепты түбәндәгечә:
Камыр:
1 стакан кефир
100 гр эретелгән ак май
1 аш кашыгы чүпрә
1 аш кашыгы шикәр комы
1 йомырка
4 стакан он
Камыр басып, 30 мин көттерәбез.
 

Эчлек:
1 стакан пешерелгән дөге
1 стакан каймак
300 гр эремчек
75 гр шикәр комы
4 йомырка
Барысын бергә яхшылап болгатабыз.
 

Искәрмә. Төркиядә каймак һәм эремчекне табу кыен. Шуңа күрә каймак урынына катык (йогурт - yoğurt), эремчек урынына Лор сыры (Лор пейнир - Lor peynir) кулланылды.
Кабарган камырны кунага төшерәбез һәм ике өлешкә бүләбез: берсе олырак, икенчесе кечерәк. Олырагын җәеп, майланган табага урнаштырабыз һәм эчлекне салабыз. Кечерәген җәеп өстенә ябабыз. 200 град мичтә 50 мин пешерәбез.
 

Тәмле булсын!
 

Рецепт: Гөлнара Сакмар
Фото авторы: Айгөл Зара Кәбирова