Яшьлекне эзләү

Чәчкәләрем көзләр булып елый,

Юатырга янда ишем юк.

Кочаклашып уза япь-яшь парлар,

Аларның шул миндә эше юк.

Бәхетлеләр уза янәшәмнән,

Ел фасылы тими парлыларга...

«Бу бит безнең сукмак иде!» – диеп,

Эчтән генә дәшәм аларга.

Әй бу сукмак! Мәхәббәтне саклап

Басып торам монда ялгызым.

...Таныш шәүлә күрми китеп бара

Хыялында калган хур кызын...

Куеныма алдым, җылытырмын:

Ялгыз күшекмәсен хыялым.

Кара төнне икәү кичәрбез без,

Төн артында көтәр уяну.

Ә әлегә... Җанда кайтавазмы,

Китеп барган кошлар өнеме?!

Алар – көнгә, ә мин төнгә керәм –

Ялгызлыкның тәүге төненә...

 

"КУ" 09, 2018

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: